Іранскі ваенны прадстаўнік Эбрагім Зольфакары папярэдзіў, што свет павінен падрыхтавацца да таго, што цэны на нафту дасягнуць 200 долараў за барэль, паведамляе Forsal са спасылкай на Reuters.
— Цана на нафту залежыць ад рэгіянальнай бяспекі, якую вы дэстабілізавалі, — дадаў ён.
Ён выказаў меркаванне, што Злучаныя Штаты не змогуць кантраляваць цэны на нафту. Адміністрацыя ЗША абвясціла аб дзеяннях супраць блакады Іранам Армузскага праліва, праз які не могуць праходзіць танкеры.
— Мы не дазволім ніводнаму літру нафты дайсці да Злучаных Штатаў, Ізраіля ці іх партнёраў. Любое судна або танкер, якія накіроўваюцца да іх, будуць законнай мішэнню, — сказаў Зольфакары.
Раней прадстаўнік пагражаў нападамі на амерыканскія і ізраільскія банкі і фінансавыя ўстановы ў рэгіёне. Паводле ААН, Генеральны штаб — гэта структура, падпарадкаваная Корпусу вартавых Ісламскай рэвалюцыі, якая каардынуе ключавыя ваенныя аперацыі Ірана.
З 28 лютага Ізраіль і ЗША наносяць авіяўдары па Іране, які, у сваю чаргу, абстрэльвае Ізраіль і іншыя краіны Блізкага Усходу, атакуючы як амерыканскія ваенныя базы, так і грамадзянскую інфраструктуру.
Цэны на сырую нафту маркі Brent выраслі амаль да 120 долараў за барэль у пачатку тыдня, але пазней упалі прыкладна да 90 долараў, паведамляе Bloomberg.
нг