Германія па-ранейшаму застаецца найбуйнейшым гандлёвым партнёрам Польшчы. Пра тое, як далей развіваць супрацоўніцтва, павялічваць узаемны гандаль і ўмацоўваць эканамічныя сувязі, у Варшаве размаўляюць удзельнікі Чацвёртага польска-нямецкага эканамічнага форуму.
Міністр фінансаў і эканомікі Польшчы Анджэй Даманьскі (Andrzej Domański) падкрэсліў, што эканамічныя прагнозы для Германіі як на гэты, так і на наступны год паляпшаюцца.
— Гэта важна для польскіх прадпрыемстваў і для польскай эканомікі, што ў нашага, бясспрэчна, найважнейшага гандлёвага партнёра, эканоміка набірае абароты. Нямецкія кампаніі таксама выйграюць ад гэтага паскарэння.
Пра вяртанне нямецкай эканомікі на шлях росту гаварыла таксама міністр эканомікі і энергетыкі Германіі Катарына Райхе (Katherina Reiche).
— У гэтым годзе чакаецца рост валавога ўнутранага прадукту на 1,3 працэнта, а ў наступным — на 1,1 працэнта. У параўнанні з эканомікай Польшчы нам яшчэ сапраўды шмат чаго трэба навярстаць.
Для параўнання, прагнозы для Польшчы прадугледжваюць рост валавога ўнутранага прадукту сёлета ў межах ад 3,4 да 3,7 працэнта, а ў наступным годзе — прыкладна на 3 працэнты.
Такім чынам, польская эканоміка, паводле гэтых прагнозаў, будзе развівацца хутчэй за нямецкую.
IAR/яс