Выданне ацэньвае сітуацыю малога бізнесу ў Польшчы.
59% кіраўнікоў ці ўласнікаў транспартных фірмаў шкадуюць, што выбралі гэтую галіну. У гандлі негатыўнае стаўленне выказваюць 34% уладальнікаў. Адваротная сітуацыя ў будаўніцтве ды паслугах. Такія вынікі даследавання сітуацыі на рынку сярэдніх і малых прадпрыемстваў з колькасцю працаўнікоў не больш за 250.
У сярэднім у Польшчы кожны чацвёрты кіраўнік ці ўладальнік такой фірмы незадаволены выбарам сферы дзейнасці. Два гады таму такое стаўленне выказваў кожны трэці, піша выданне.
Найчасцей прычынамі называюць: адсутнасць кваліфікаваных працаўнікоў, высокія кошты ў галіне, празмерныя бюракратычныя патрабаванні ды моцная канкурэнцыя.
Найгорш свае перспектывы ацэньваюць прадстаўнікі транспартнага сектару. Дадзеныя пацвярджаюць складанасць сітуацыі, піша выданне. Менавіта ў гэтым сектары найбольш фірмаў даўжнікоў, спазненні ў разліках, патрэбы ў пастаянных інвестыцыях ды жорсткія бюракратычныя працэдуры, а таксама недахоп працаўнікоў.
Другая праблемная галіна – гандаль, піша выданне. Тут на пагаршэнне настрояў уплывае рост падатковага цяжару, рост цэн ды высокая канкурэнцыя. Для выжывання фірмы мусяць кансалідавацца, бо раздробленасць на рынку велізарная, піша газета.
ПР/юл