На вуліцах сталіцы Кубы — Гаване — ляжаць вялікія кучы смецця, бо праз востры дэфіцыт паліва перастаюць працаваць большасць смеццявозаў, паведамляе Польскае агенцтва друку. Нягледзячы на тое, што ў горадзе 106 такіх машын, толькі 44 з іх здольныя выязджаць на збор адкідаў з-за недахопу паліва. У выніку кардонныя скрынкі, пластыкавыя бутэлькі, пакеты і анучы застаюцца ляжыць на вуліцах, а пешаходам, кіроўцам і веласіпедыстам даводзіцца абыходзіць завалы смецця.
Камуністычныя ўлады Кубы ўвялі сістэму талонаў на паліва, каб абараніць жыццёва важныя сектары эканомікі, але краіна ўжо сутыкнулася з найбольшым за дзесяцігоддзі эканамічным крызісам — не хапае не толькі паліва, але і ежы, медыкаментаў і іншых тавараў першай неабходнасці.
Куба амаль цалкам залежыць ад імпарту нафты. Да нядаўняга часу галоўным пастаўшчыком сыравіны была Венесуэла, аднак пастаўкі спыніліся ў сярэдзіне снежня, калі ЗША, імкнучыся ізаляваць востраў, перашкодзілі пастаўкам. Аналагічна прыпыніла пастаўкі і Мексіка пасля пагроз вашынгтонскіх тарыфаў краінам, якія гандлююць з Кубай.
Паведамляецца, што Расія плануе накіраваць груз нафты і паліва на Кубу, аднак дакладная дата пастаўкі пакуль не названая.
ЗША падтрымліваюць гаспадарчую блакаду Кубы з 1960-х гадоў, а ў апошнія месяцы адміністрацыя прэзідэнта Дональд Трамп яшчэ больш узмацніла ціск, спрабуючы прымусіць Гавану да палітычных змен. Крызіс узмацняецца, і СМІ, і міжнародныя арганізацыі выказваюць заклапочанасць гуманітарнымі наступствамі для жыхароў вострава.
эж