Польскі нафтагазавы канцэрн Orlen паведаміў пра рэкордныя вынікі за першы квартал 2026 года. Асабліва прыкметна ўзрасла роля замежных рынкаў, перадусім Нямеччыны. Калі год таму на нямецкі рынак прыпадала 7% даходаў кампаніі, то цяпер ужо 22%. Пры гэтым кіраўніцтва Orlen адзначае, што не плануе новых буйных інвестыцый у Германіі, бо ўжо займае там дастаткова моцныя пазіцыі, чытаем на партале energetyka24.com.
Паводле старшыні праўлення канцэрну Orlen Ірэнэуша Фанфары, поспехі ў Нямеччыне сталі вынікам эфектыўнай працы і развіцця рознічнага бізнесу. У цэлым доля замежных рынкаў у структуры даходаў Orlen вырасла да 32%.
Фінансавыя паказчыкі таксама аказаліся вельмі значнымі. Выручка групы дасягнула 75,8 млрд злотых (каля 17,9 млрд еўра), аперацыйны прыбытак EBITDA — 14,1 млрд злотых (3,33 млрд еўра), а чысты прыбытак склаў 8,15 млрд злотых (1,93 млрд еўра). Кампанія захоўвае стабільнае фінансавае становішча і пацвердзіла маштабную інвестыцыйную праграму.
Акрамя таго, Orlen вядзе перамовы аб магчымым удзеле ў капітале ўкраінскай кампаніі «Укрнафта» і павялічвае пастаўкі звадкаванага прыроднага газу з ЗША. Кіраўніцтва таксама прапанавала выплаціць рэкордныя дывідэнды — 8 злотых на акцыю.
эж