Якія наступствы вета прэзідэнта Караля Наўроцкага

За першы год знаходжання на пасадзе прэзідэнт Караль Наўроцкі наклаў вета на 41 закон.

500 польскіх злотых

крыніца: Narodowy Bank Polski

Ніхто з яго папярэднікаў не карыстаўся гэтым правам так часта.

Сярод законаў, на якія прэзідэнт наклаў вета, былі павышэнне акцызаў, падатку на цукар, а таксама ўзмацненне кантролю за выкананнем правілаў, якія датычацца сямейных фондаў.

Паводле ацэнак партала PolskieRadio24.pl, агульнае скарачэнне даходаў бюджэту ў выніку прэзідэнцкіх вета можа складаць каля 5–6 мільярдаў злотых (прыблізна 1,5 мільярда еўра).

Эканаміст Ян Алешчук-Зыгмунтоўскі лічыць, што гэтая сума не змяніла б грунтоўна бюджэтную сітуацыю дзяржавы, але магла б крыху скараціць дэфіцыт.

— Некалькі законаў, кожны з якіх альбо вядзе да марнавання сродкаў, альбо дазваляе атрымліваць звышпрыбыткі там, дзе іх не павінна быць. Калі б гэтыя сродкі былі накіраваныя дзяржаве і ў бюджэт, то маштаб дэфіцыту, безумоўна, быў бы меншы.

На думку эксперта, рашэнні Караля Наўроцкага паказваюць, што правыя сілы губляюць разуменне прынцыпаў функцыянавання эканомікі.

— Я б сказаў, што на кожным этапе, гэта рашэнне, якое супярэчыць базавым грамадскім інтарэсам. Яно хутчэй паказвае, што прэзідэнт Наўроцкі ставіць на першае месца карпарацыі, на першае месца багатых. А звычайныя грамадзяне дзесьці там — на апошнім месцы.

Караль Наўроцкі прынёс прысягу прэзідэнта 6 жніўня 2025 года.

IAR/яс