Крызісу не відаць — перавозчыкі, аэрапорты і пастаўшчыкі фіксуюць рэкордны попыт, нават калі сусветная цана на авіяпаліва дасягнула чарговага максімуму. Як гэта магчыма? — высвятляе партал Business Insider.
Выдаткі авіякампаній на паліва значна выраслі, але перавозчыкі ўсё яшчэ не перакладаюць усе кошты на пасажыраў. Па словах прэс-сакратара LOT Кшыштафа Мачульскага, да канца лютага паліва складала прыблізна 25 працэнтаў у структуры выдаткаў авіякампаніі, а ў цяперашні час іх доля дасягае 40 працэнтаў. І так прыблізна ва ўсіх авіяперавозчыкаў.
Паводле звестак Міжнароднай асацыяцыі паветранага транспарту (IATA), сярэдняя сусветная цана на авіяпаліва вырасла да 194,90 долараў за барэль.
Попыт на авіятранспарт не зніжаецца.
IATA прагназуе, што ў 2026 годзе авіякампаніі перавязуць 5,1 мільярда пасажыраў з каэфіцыентам загрузкі 84%. Крызіс не выяўляецца ў пустых самалётах. Аднак зарабляць на іх становіцца ўсё цяжэй.
Чакаецца, што чыстая рэнтабельнасць буйных авіякампаній у 2026 годзе знізіцца да 2%, а прыбытак ад аднаго пасажыра — да 4,50 долара. Перавозчыкі ў Польшчы таксама пацярпелі ад працяглага нафтавага крызісу, але яны кажуць, што не плануюць ніякіх фундаментальных змен.
Польскі нацыянальны перавозчык LOT падкрэслівае, што аэрапорт імя Шапэна працягвае фіксаваць гістарычныя максімумы. У ліпені аэрапорт абслужыў больш за 2,5 мільёна падарожнікаў, а ў жніўні гэты паказчык яшчэ вырас.
Найважнейшай абаронай перавозчыкаў застаецца гэтак званае «хеджаванне» (hedging), якое заключаецца ў кантрактным забеспячэнні будучых паставак паліва па загадзя вызначанай цане.
Аднак пагрозу можа ўяўляць спыненне паставак паліва. Гэтая рызыка ўзнікла пасля атакі на трубаправод Саудаўскай Аравіі і аб'явы Saudi Aramco аб абмежаваных магчымасцях для выканання вераснёўскіх заказаў. Аднак пакуль авіякампаніі не ажыццяўляюць найгоршага сцэнарыя.
Высокія цэны на паліва пакуль не перакладаюцца на цэны для падарожнікаў.
— Я не сумняваюся, што цэны на квіткі вырастуць у наступным годзе, — кажа генеральны дырэктар Ryanair.
яс