X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Пуцін можа выкарыстаць крызіс у Беларусі з мэтай паглыблення інтэграцыі з Расіяй

15.09.2020 12:25
Аднак, беручы пад увагу гісторыю Украіны, гэта можа быць рызыкоўным, канстатуе Руслан Шошын.
 a
Аляксандр Лукашэнкa і Уладзімір ПуцінPAP/EPA/KREMLIN HANDOUT

Невядома, ці ў Сочы абмяркоўвалася пытанне паглыблення інтэграцыі ў рамках, падпісанага яшчэ ў 1999 годзе, пагаднення аб Саюзнай дзяржаве Беларусі і Расіі. У апошнія гады былі складзеныя нават адпаведныя дарожныя карты, але Лукашэнка не пагадзіўся на апошнюю, якая прадугледжвала стварэнне сумесных органаў наддзяржаўнай улады і ўвядзення агульнай валюты, нагадвае Руслан Шошын у выданні Rzeczpospolita.

„З аднаго боку, сённяшняя пазіцыя Лукашэнкі слабая, як ніколі, і гэта азначае, што Масква можа прымусіць яго пайсці на сур'ёзныя саступкі, на якія раней не пагаджаўся”, - кажа вядомы беларускі палітолаг Аляксандр Класкоўскі. – Аднак з другога боку, Масква таксама рызыкуе, паколькі Лукашэнка страціў легітымнасць не толькі на Захадзе, але і ў вачах беларускага грамадства. Любыя дамоўленасці, заключаныя з ім, могуць быць скасаваны пасля змены ўлады ў Мінску”, - дадае Класкоўскі.

Тым больш, што Крэмль пралічыўся і раней, заключаючы дамовы з Віктарам Януковічам у снежні 2013 года падчас рэвалюцыі, якая ішла ў Кіеве. Нагадваем, тагачасны прэзідэнт Украіны адправіўся тады ў Маскву і падпісаў з Уладзімірам Пуціным ажно 14 дакументаў. Дамоўленасці тычыліся энергетычнага супрацоўніцтва, сумеснай вытворчасці ўкраінскіх самалётаў Ан і нават будаўніцтва „транспартнага пераходу” праз Керчанскі праліў (з Расіі ў Крым).

Тады Масква таксама заявіла аб падтрымцы ўкраінскай эканомікі ў памеры 15 млрд. долараў. Да таго, як Януковіч уцёк у Расію, Крэмль пералічыў 3 мільярды, за якія Масква і Кіеў судзяцца да гэтай пары. Праз амаль тры месяцы пасля дамоўленасцей, заключаных з Януковічам, Расія анексавала ўкраінскі Крым, а на Данбасе пачалася вайна.

„У Маскве лічаць, што Беларусь - другі брыльянт у супольнасці славянскіх нацый пасля Украіны. Расія страціла Украіну на дзесяцігоддзі. Улады ў Маскве не могуць дазволіць уцячы Беларусі, бо гэта была б гістарычная параза”, - кажа расійскі аглядальнік і палітолаг Аркадзь Дубноў.

Паводле яго, Расія будзе падтрымліваць уладу Лукашэнкі, пакуль не падрыхтуе асновы для перадачы ўлады, якая будзе на карысць Маскве.

Праціўнікі рэжыму ў Мінску вырашылі напісаць ліст у Маскву. Галоўная суперніца Лукашэнкі на жнівеньскіх выбарах Святлана Ціханоўская, якая знаходзілася ў Літве, папярэдзіла Пуціна, што любое пагадненне, заключанае з рэжымам Лукашэнкі, „не будзе мець юрыдычнай сілы”.

„ Беларускі народ адмовіўся падтрымліваць Лукашэнку на выбарах. Шкада, што вы вырашылі весці дыялог з узурпатарам, а не з беларускім народам”, - напісала Ціханоўская ў сваім профілі ў месенджары Telegram.

Крыху больш асцярожна на гэты конт выказаўся, створаны ў Мінксу Каардынацыйны савет.

„Каардынацыйны савет ніколі не будзе імкнуцца да пагаршэння адносін паміж Беларуссю і Расіяй, як гэта спрабуюць прадставіць беларускія ўрадавыя СМІ. Мы падтрымліваем развіццё беларуска-расійскіх адносін ва ўсіх сферах”, - гаворыцца ў заяве, апублікаванай на сайце савета.

„Гэтак званы „стары” Захад не пойдзе на абвастрэнне сітуацыі з „ядзернай” Расіяй”, - кажа ў размове з выданнем Rzeczpopolita Аркадзь Дубноў.

аз