X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У. Падгол: Тры грамадзянскія войны адбываюцца ў Беларусі

21.11.2020 16:40
Улады змагаюцца з уласнымі грамадзянамі, з журналістамі ды хрысціянскімі святарамі.
Аўдыё
Уладзімір Падголradyjo.net

Тры грамадзянскія войны ў Беларусі і адна сусветная (з каранавірусам):

Супраць грамадзянаў, якія спрабуюць зладзіць мірныя пратэсты супроць фальшавання выбараў;

Супраць журналістаў, які паказваюць карныя дзеянні ўладатрымальнікаў супроць мірнага насельніцтва;

Супраць вернікаў, хрысціянаў, святары якіх Касабуцкі і Лепін выступілі з абурэннем супраць злачынцаў пры ўладзе.

За месяц да святкавання Калядаў Лукашэнка аддаў загад вынішчыць з вуліцаў і двароў нацыянальную і хрысціянскую сімволіку. Бел-чырвона-белыя стужкі на адзенні праваслаўных святароў могуць стаць аб’ектам нападу падчас службаў у гонар Радства Хрыстова.

Вайна – гэта супольныя дзеяньні ЭЗ супроць дыктатара і ягоных памагатых. І намер Л. ваяваць з усім светам. Еўразвяз больш не выдзеліць ніводнага еўра рэжыму Аляксандра Лукашэнкі, усе прызначаныя для Беларусі сродкі будуць накіраваныя на падтрымку грамадзянскай супольнасці, заявіў вярхоўны прадстаўнік Еўрасаюза па знешняй палітыцы і палітыцы бяспекі Жозеп Барэль 19 лістапада пасля выніках відэаканферэнцыі Савета міністраў замежных спраў ЕС. Больш таго ЭЗ выступіць супроць уступлення РБ у СГА і супроць крэдытаў МВФ для РБ

У Наваполацку 18 лістапада старшыня Савета Рэспублікі Наталля Качанава сустрэлася з актывам Наваполацка і Полацкага раёна. На сустрэчы былі дэпутаты з гарадоў-суседзяў, мясцовыя чыноўнікі. Мы адышлі ад прорвы, але не сышлі ад той сітуацыі, якая можа нас дагнаць. Грамадзянская вайна можа быць немінучая. У гэтым вы можаце не сумнявацца. Я не магу маўчаць. Хай мяне заб'юць, але я ніколі не буду здраднікам тым людзям, якія абаранілі свабоду і незалежнасць 75 гадоў таму, якія пабудавалі нашу Беларусь. А цяпер усім дрэнна. Ну як так? Мы ўсе, вы ўсе, СМІ павінны казаць людзям, павінны сустракацца [з людзьмі]. У адваротным выпадку разарвуць краіну.

Што ж гэта за грамадзянскія войны?

Па-першае, паслугачы Л. сфармавалі атрады баевікоў, якія пачалі ладзіць рэйды па дварах, зрэзаць нацыянальную сімволіку і ладзіць бойкі з мясцовымі жыхарамі. Ахварай такой бойкі стаў 31 аднагадовы Раман Бандарэнка. Ён проста выйшаў у двор, каб паглядзець, як хтосьці зрэзвае БЧБ стужкі. Закінулі, як бервяно ў міліцэйскі бусік, там зноў збілі, завезлі ў міліцыю, адтуль у больніцу, дзе ён не прыходзячы ў прытомнасць сканаў.

Лука тут жа заявіў, што Бандарэнка быў пʼяны, Качанава таксама так публічна сказала. Алена Бандарэнка, маці Рамана Бандарэнкі, перадала «Нашай Ніве» копію лабараторнага аналізу крыві яе сына. У гэтым дакуменце відаць, што этылавага спірту ў крыві Рамана Бандарэнкі няма – у выніку аналізу стаіць 0.

Вайна супраць журналістаў. КДБ унёс Сцяпана Пуцілу і Рамана Пратасевіча ў спіс тэрарыстаў. Спіс з абнаўленнямі зʼявіўся на сайце Камітэта. Калі зірнуць іншых удзельнікаў спіса, то там толькі тэрарысты з міжнародных спісаў.

У Міністэрстве замежных спраў Беларусі 16 лістапада прайшла сустрэча з часовым павераным у справах Польшчы ў Беларусі Марцінам Вайцяхоўскім.

Беларускі бок выказаў заклапочанасць «злачыннай дзейнасцю Сцяпана Пуцілы і Рамана Пратасевіча праз створаныя імі экстрэмісцкія Telegram-каналы «Нехта» і «Нехта Live», гаворыцца ў паведамленні.

«Польскі бок заклікалі выдаць Сцяпана Пуцілу і Рамана Пратасевіча Беларусі ў самыя кароткія тэрміны з улікам асаблівай грамадскай небяспекі іх злачыннай дзейнасці», – заявілі ў МЗС.

Увечары 19 лістапада ў Менску затрымалі журналістку парталу Tut.by Кацярыну Барысевіч, якая рыхтавала матэрыял пра Рамана Бандарэнку.

Прэс-сакратар Беларускай праваслаўнай царквы айцец Сяргей Лепін рэзка асудзіў разгром мемарыялаў Рамана Бандарэнкі: «Не разумею, навошта гэта здзек з партрэтамі забітага, над кветкамі ў яго памяць, навошта гэтае сатанінскае таптанне лампад і абразкоў, барацьба з імправізаваным мемарыялам у двары яго дома, уздоўж дарог...? У чым сэнс? Не ўзгоднена, так? А вось такія паводзіны і стаўленне – яны ўзгоднены? З кім?«.

Аляксандр Лукашэнка запатрабаваў навесці парадак у горадзе Мінску. Аб гэтым ён заявіў на нарадзе, якая была прысвечана актуальным пытанням знешняй палітыкі.

Уладзімір Падгол