Новы саюз злучыць Вялікабрытанію, Польшчу і Украіну? Аб планах яго стварэння распавядае ўкраінская рэдакцыя ВВС. Бакі павінны ўзгадніць дэталі дамовы, піша партал niezalezna.pl.
На гэтым тыдні можа з'явіцца новы ахоўны і палітычны альянс, які звяжа Вялікабрытанію, Польшчу і Украіну. Крыніцы ВВС кажуць, што прэмʼер-міністр Вялікабрытаніі Барыс Джонсан можа прыехаць у Кіеў. Прэмʼер-міністр Польшчы Матэвуш Маравецкі ў аўторак наведае сталіцу Украіны. BBC кажа, што гэта можа быць звязана з абʼявай аб стварэнні новага альянсу.
- Мы сурʼёзна працуем над гэтым варыянтам, але перамовы ідуць, дамаўляемся аб дэталях, – паведаміла крыніца ў Апараце прэзідэнта Украіны.
Галоўная задача новай дамовы – процідзеянне расійскай пагрозе і сумесная праца дзеля будучыні еўрапейскай бяспекі, піша ВВС. Новы альянс ствараецца на фоне ўзмацнення пагрозы на ўкраінскіх межах і паставак зброі Украіне з боку Вялікабрытаніі.
Першай пра новы альянс загаварыла міністр замежных спраў Вялікабрытаніі Ліз Трас 21 студзеня ў Аўстраліі. Украіна ініцыявала новы фармат супрацоўніцтва ў пачатку снежня. Гэта павінна быць часткай стратэгіі малых саюзаў, такіх як Люблінскі трохкутнік (Польшча, Літва, Украіна).
ав