Расійская цэнзура забараніла публікацыю інтэрв'ю з Уладзімірам Зяленскім. «Яны прадстаўляюць сябе як глабальнага гульца, а баяцца кароткай размовы» – піша Niezalezna.pl.
«Нашы прыярытэты ў перамовах вядомыя: суверэнітэт і тэрытарыяльная цэласнасць Украіны бясспрэчныя, – сказаў Зяленскі. – Важныя эфектыўныя гарантыі бяспекі. Вядома, наша мэта – мір і як мага хутчэйшае вяртанне да нармальнага жыцця ў нашай краіне», – заявіў прэзідэнт Украіны ў штодзённым відэавыступе.
Зяленскі падкрэсліў, што ўзброеныя сілы Украіны эфектыўна стрымліваюць расіян, а ў некаторых рэгіёнах нават вядуць наступальныя дзеянні.
Зяленскі таксама спаслаўся на інтэрвʼю, дадзенае ў нядзелю незалежным расійскім СМІ. Перад публікацыяй гэтай размовы офіс Раскамнагляду папярэдзіў расійскія СМІ, што «ад інтэрвʼю трэба адмовіцца».
«У Маскве спалохаліся майго інтэрв’ю з расійскімі журналістамі, тымі, хто можа дазволіць сабе сказаць праўду. Калі журналісты рыхтаваліся апублікаваць наша інтэрвʼю расійскае цэнзурнае агенцтва выступіла з пагрозай. Так і напісалі – патрабуюць адмовіцца ад публікацыі інтэрвʼю. Было б смешна, калі б не было так трагічна», – пракаментаваў Зяленскі.
«Яны знішчылі свабоду слова ў сваёй краіне, спрабуючы знішчыць суседнюю краіну. Яны прадстаўляюць сябе як глабальныя гульцы. І баяцца адносна кароткай размовы з некалькімі журналістамі», – падсумаваў ён.
нг