Прэзідэнт Украіны Уладзімір Зяленскі папрасіў былую канцлерку Германіі Ангелу Меркель на ўласныя вочы ўбачыць зверствы ў Бучы. Але цяпер Меркель едзе ў зусім іншым кірунку. Яна ў прыватнай вандроўцы ў Таскане з суботы, піша штодзённік Bild.
«Былая канцлерка спынілася ў гатэлі ў цэнтры горада, любіць шпацыраваць па Фларэнцыі, ужо пабывала ў галерэі Акадэміі, дзе ўбачыла старажытныя творы мастацтва», - паведамляе нямецкае выданне.
Амбасадар Украіны ў Нямеччыне Андрый Мельнік крытыкуе былую канцлерку за гэтую паездку:
«Вядома, на вуліцах Фларэнцыі няма забітых жанчын і дзяцей. Але так шмат мастацтва і культуры. Выдатна», - напісаў ён у Twitter у сераду раніцай.
Меркель шмат гадоў ездзіць у Італію і любіць праводзіць летнія канікулы ў вандроўках па Паўднёвым Ціролі.
Як піша газета, былая канцлерка «таксама любіць мясцовую кухню і віны з Тасканы. Больш за ўсё ёй падабаюцца лепшыя віны Brunello і Bolgheri, а таксама Chianti Classico і Brunello di Montalcino».
Niezalezna.PL / вх