З нагоды 30-годдзя аднаўлення польска-грузінскіх дыпламатычных адносін у будынку Міністэрства замежных спраў адкрылася сумесная выстава, падрыхтаваная МЗС і пасольствам Грузіі ў Варшаве. У цырымоніі прынялі ўдзел дыпламаты ды палітыкі, у тым ліку намеснік міністра замежных спраў Марцін Пшыдач, амбасадар Грузіі ў Варшаве Зураб Берыдзэ і прэзыдэнт Польскай пошты Томаш Зьдзікот.
Аднаўленне дыпламатычных адносін паміж Рэспублікай Польшча і Грузіяй адбылося падчас візіту ў Польшчу намесніка міністра замежных спраў Грузіі Міхаіла Уклебы 28 красавіка 1992 года. У красавіку 1993 г. быў падпісаны Дагавор аб дружбе і супрацоўніцтве паміж Рэспублікай Польшча і Рэспублікай Грузія і - у той жа дзень - Пагадненне паміж Урадам Рэспублікі Польшча і Урадам Рэспублікі Грузія аб культурных і навуковае супрацоўніцтва.
На выставе падрыхтаванай сумеснай польскім дыпламатычным ведамствам ды грузінскай амбасадай прадстаўлены фатаграфіі і дакументы, якія нагадваюць пра найбольш важныя падзеі польска-грузінскіх стасункаў, у тым ліку 30-гадовай даўніны, калі абедзве краіны ўсталёўвалі дыпламатычныя адносіны. Таксама ў выставе згадваюцца багатыя старонкі двухбаковага ўзаемадзеяння ў галінах культуры ды навукі ў ХІХ-ХХ стст.
Намеснік міністра замежных спраў Марцін Пшыдач падкрэсліў важнасць супрацоўніцтва з Грузіяй.
- У апошнія гады Польшча і Грузія сталі больш блізкімі партнёрамі, хоць мы не суседзі, але ў культурным плане нас шмат яднае. Безумоўна, значнай часткай гэтых адносін мы абавязаны высокай актыўнасці прэзідэнта Леха Качыньскага.
У Польшчы ўвесь час згадваюць візіт прэзідэнта Качыньскага ў Тбілісі ў 2008 годзе падчас нападу Расіі на Грузію. Гледзячы на тое, што адбываецца цяпер ва Украіне, палякі яшчэ лепш зразумелі «тагачаснае папярэджанне Леха Качыньскага», што пасля Грузіі будуць наступныя атакі з боку Расіі.
Грузінскі амбасадар Зураб Берыдзэ зазначыў, што сёння Польшча вылучаецца сярод сяброў Грузіі, моцна падтрымлівае суверэнітэт і тэрытарыяльную цэласнасць краіны.
- Мы адзначаем гадавіну пачаткаў адносіны паміж Польшчай і Грузіяй, якія за гэты час ператварыліся ў моцныя повязі. Больш за 100 гадоў Польшча стала першай краінай, якая навязала дыпламатычныя адносіны з дэмакратычнай Грузіяй. Цяпер Польшча з’яўляецца адным з найбольш актыўных прыхільнікаў грузінскай незалежнасці ды тэрытарыяльнай цэласнасці. У сённяшніх складаных умовах міжнароднай бяспекі, асабліва ў кантэксце расійскай агрэсіі супраць Украіны, падтрымка і сяброўскія адносіны паміж народамі становяцца яшчэ больш каштоўнымі. Грузія рашуча асуджае агрэсію і падтрымлівае Украіну ў гуманітарнай і палітычнай сферах разам з міжнароднымі партнёрамі.
Амбасадар падкрэсліў еўрапейскія памкненні Грузіі і выказаў надзею, што Польшча і іншыя краіны падтрымаюць яго краіну на шляху далучэння да еўрапейскай сям'і.
Адкрыццё выставы суправаджалася прэзентацыяй памятнай паштоўкі, падрыхтаванай кампаніяй «Poczta Polska» у супрацоўніцтве з Міністэрствам замежных спраў і выдадзенай накладам 5 тысяч штук. На паштоўцы намаляваны сцягі Польшчы і Украіны, злучаныя як пазл. Побач з імі надпіс «30-годдзе аднаўлення польска-грузінскіх дыпламатычных адносін».
Кіраўнік кампаніі «Poczta Polska» Томаш Здзікот падкрэсліў вельмі добрую гісторыю супрацоўніцтва з грузінскім паштовым аддзяленнем.
- У нас вельмі добрае супрацоўніцтва здаўна. Сённяшняя паштоўка - гэта не першае мерапрыемства, у якім удзельнічае «Poczta Polska». Два гады таму, да 10-й гадавіны Смаленскай катастрофы, мы разам з грузінскай поштай выпусцілі марку, прысвечаную ахвярам катастрофы, у першую чаргу трагічна загінуламу прэзідэнту Леху Качыньскаму. Яшчэ сёлета грузінскі святы Грыгал Перадзе з'явіцца на польскіх паштовых марках. Гэта наша чарговая ініцыятыва.
На 2022 год прыпадае шмат юбілеяў аднаўлення, а часам і ўстанаўлення дыпламатычных адносін Польшчы з краінамі, якія атрымалі незалежнасць пасля распаду Савецкага Саюза.
Галіна Остас/ Юры Ліхтаровіч