Польскае выданне цытуе амерыканскія СМІ, у першую чаргу «Washington Post». Журналісты спрабавалі разабрацца ў асаблівасцях выведкавай падтрымкі з боку заходніх краін для Украіны.
Амерыканская прэзідэнцкая адміністрацыя распрацавала рэкамендацыі па абмене інфармацыяй з Украінай, піша выданне. Гэта зроблена, каб пазбегнуць эскалацыі напружанасці паміж Вашынгтонам і Масквой. Ёсць дзве галоўныя асаблівасці.
ЗША не даюць Кіеву дадзеныя, якія маглі б дапамагчы ў забойстве ключавых расійскіх камандзіраў або палітыкаў, напрыклад, начальніка генштаба або міністра абароны. Другая забарона тычыцца любой інфармацыі, якая магла б дапамагчы Украіне ў нанясенні ўдараў па абʼектах праціўніка па-за сваімі межамі, г.зн. на тэрыторыі Расіі.
Менавіта з гэтым звязаны ціск Вашынгтона, каб прыпыніць перадачу Польшчай знішчальнікаў для Украіны. Украінскі бок можа выкарыстоўваць гэтыя машыны для нанясення ўдараў па тэрыторыі Расіі, што супярэчыць амерыканскім прынцыпам.
Злучаныя Штаты таксама прынялі норму, якая забараняе перадаваць Украіне «мэтавую інфармацыю». На практыцы гэта азначае, што Вашынгтон не дзеліцца паведамленнямі аб тым, які канкрэтны расійскі генерал быў заўважаны ў пэўным месцы, і не дапамагае Кіеву ў здзяйсненні нападаў на такія асобы або абʼекты. Разам з тым дазваляецца падаваць дадзеныя пра цэнтрах кіравання праціўніка, дзе часта знаходзяцца вышэйшыя расійскія афіцэры.
Як піша польскае выданне, гэта можна расцэньваць як набліжэнне да мяжы сапраўднага нападу на Расію, і тады ў Масквы зʼявіцца аргумент для адказу, непакоіцца амерыканская адміністрацыя.
юл