Стварэнне часовага ўрада ў эміграцыі было адным з асноўных патрабаванняў, якія прагучалі падчас канферэнцыі «Новай Беларусі», што праходзіць у Вільні.
Падкрэслівалася, што незалежны беларускі ўрад павінен складацца як з цывільнай, так і з вайсковай частак. На думку кіраўніка BYPOL Аляксандра Азарава, «сістэму пераможа толькі сістэма», піша Niezalezna.PL.
Мерапрыемства, арганізаванае больш чым дзясяткам арганізацый, сабрала актывістаў грамадзянскай супольнасці і свабодных выбараў.
Падчас выступу лідар апазіцыі Святлана Ціханоўская заявіла, што яе імя і прозвішча ўжо не належаць толькі ёй, але «сталі палітычным інструментам усяго народу». Палітык заклікала апазіцыю аб'яднацца і падкрэсліла: «Мы знаходзімся ў новай рэальнасці, у якой трэба змагацца за само існаванне нашай краіны».
У сваім выступе Ціханоўская згадала многіх прадстаўнікоў апазіцыі, якія застаюцца за кратамі ў Беларусі. Сярод іх яна пералічыла ў тым ліку былы прэтэндэнт на прэзідэнцкія выбары Віктар Бабарыка, яе былая паплечніца Марыя Калеснікава і яе муж, папулярны блогер, які прэтэндаваў на пасаду прэзідэнта Сяргей Ціханоўскі.
Старшыня Нацыянальнага антыкрызіснага ўпраўлення Павел Латушка прапанаваў Ціханоўскай узяць на сябе статус «першай сярод роўных» ва ўрадзе і права вета на важныя рашэнні.
Канферэнцыя, верагодна, паклала пачатак рэфармаванню Каардынацыйнай рады і стварэнню Супольнага часовага ўрада.
Галоўнымі мэтамі дэмакратычных сілаў зʼяўляюцца:
- адхіленне ад улады рэжыму Аляксандра Лукашэнкі,
- вызваленне і рэабілітацыя ўсіх палітвязняў,
- абарона незалежнасці і вывад замежных [расійскіх] войскаў з краіны,
- правядзенне справядлівых выбараў і ўсталяванне дэмакратычных інстытутаў у краіне.
вх