Міністэрства абароны Беларусі абвясціла аб пачатку працэсу выцягвання тэхнікі з ваенных складоў. З якой мэтай згаданая тэхніка выводзіцца з рэзерву, і ці яна будзе перададзеная расіянам – не ўдакладняецца, паведамляе старонка defence24.pl.
У фотаматэрыяле, апублікаваным Мінабароны Беларусі, паказаны грузавікі рознага прызначэння, такія як ЗІЛ-131, Урал-4320, а таксама КрАЗ-255 – грузавыя аўтамабілі, якія да 1993 года выпускаў Крамянчугскі аўтазавод.
Акрамя іх, на беларускіх складах ёсць значна больш «баявая» тэхніка, напрыклад, танкі Т-72 ранніх версій, БТР-ы або самаходныя мінамёты. Гэта азначае вялікі запас бронетэхнікі, якая не самая новая, але пасля мадэрнізацыі, можа быць паспяхова выкарыстаная на полі бою.
Як адзначае ў сваім аналізе Яраслаў Цісляк, «усяго ў баявых частках, вучэбных частках і матэрыяльных базах Беларусь мае каля 1 250 танкаў Т-72, 1 150 БМП-2, 150 баявых БМР-1, разведвальныя машыны, 70 новых бронетранспарцёраў БТР-82А і 450 старых бронетранспарцёраў БТР-70 і БТР-80».
Беларусь мае таксама каля 700 адзінак ствольнай артылерыі, 100 мінамётаў і амаль 300 рэактыўных сістэм залпавага агню. У гэтым выпадку пераважная большасць тэхнікі памятае часы СССР. З прыкладна 700 гаўбіц і гармат калібрам 122 і 152 мм на буксіры застаюцца больш за 200. Практычна толькі каля дзясятка – гэта адносна сучасныя самаходныя гаўбіцы 2С19 «Мста-С». Аднак яны захоўваюцца на адной са складскіх баз, а не эксплуатуюцца ў падраздзяленнях. Падобным чынам сітуацыя выглядае з танкамі Т-72.
Таксама Беларусь распараджаецца танкі Т-80У, якія вельмі рэдка сустракаліся на вучэннях, таму можна меркаваць, што большасць з іх знаходзяцца ўжо ў рэзерве тэхнікі.
Магчыма, што выведзеная з рэзерву тэхніка прызначаная зусім не для расіян, а для беларускіх падраздзяленняў, якія пашыраюцца ў сувязі з мабілізацыяй, паведамляе старонка defence24.pl.
аз