«Тое, што адбылося на рэйках, дзе мэтай змоўнікаў былі смяротныя ахвяры, — гэта вельмі сур'ёзная эскалацыя», — заявіў Радаслаў Сікорскі перад сустрэчай міністраў замежных спраў ЕС у Бруселі, паведамляе партал Onet.pl. Сікорскі апісаў крокі, якія міністэрства зрабіла ў адказ на акты сабатажу.
«Я ўжо вырашыў адклікаць дазвол на працу расійскага консульства ў Гданьску. Маё наступнае рашэнне — расіянам (дыпламатам, якія працуюць у Польшчы - рэд.) спатрэбіцца згода нашых уладаў на выезд за межы Мазавецкага ваяводства, і я буду заклікаць нашых еўрапейскіх калег прыняць падобныя меры», — сказаў Сікорскі.
Яшчэ адно рашэнне тычыцца фінансавай падтрымкі Украіны.
«Я таксама маю намер прызначыць да канца года 100 мільёнаў долараў з бюджэту, які ў мяне ёсць у Міністэрстве замежных спраў, на ваенную дапамогу Украіне па праграме PEARL, якая выкарыстоўваецца для закупкі амерыканскай зброі», — дадаў міністр Сікорскі.
Кіраўнік МЗС падкрэсліў, што Польшча не плануе разрываць дыпламатычныя адносіны з Расіяй. «Гэтак жа, як і іншыя краіны, дзе адбыліся акты тэракту ці дыверсіі, гэтага не робяць», — дадаў ён.
Прэс-сакратар Крамля Дзмітрый Пяскоў адрэагаваў на рашэнне Польшчы. «Адносіны з Польшчай цалкам сапсаваліся», — заявіў ён.
Яс