Вызвалены Віктар Бабарыка апублікаваў у пост, у якім паабяцаў план дзеянняў для сябе і для беларусаў. Дэ-факта гэта заява аб вяртанні ў палітыку.
Ці ёсць месца для новага палітычнага гульца ў цяперашняй сітуацыі?
Палітолаг Павал Усаў кажа, што гэтая заява выклікае больш пытанняў, чым адказаў. Гэта хутчэй спосаб вырашыць уласныя амбіцыйныя пытанні Бабарыкі, чым Беларусі і беларускай дыяспары за мяжой:
- Я бачу наступную матывацыю. Бабарыка ў 2020 годзе заінвеставаў у палітычную кар'еру ўсё, што ў яго было: статус, матэрыяльны дабрабыт, перспектывы, маёмасць, бізнес, здароўе і свабоду сына. За гэта ён не атрымаў нічога. Прыхільнікі Бабарыкі былі адсунутыя ад палітычных каналаў і прыняцця рашэнняў. Таму ён і распачынае дзейнасць, каб аднавіць прысутнасць у прасторы і атрымаць прынамсі нешта ад той палітычнай актыўнасці, якую ён распачаў у 2020 годзе.
Што ўсё гэта можа прынесці ў кантэксце апазіцыі 2020 года? Думаю, паявяцца супярэчнасці, яны ўжо ёсць, калі мы кажам пра заявы, перш за ўсё, што Бабарыка не збіраецца працаваць у межах Кабінета Ціханоўскай, каб не быць у другой ролі. І тут будуць, калі не наўпроставыя, то завочныя сутыкненні, спробы атрымаць месца пад сонцам.
Поўны каментар - у далучаным гакавым файле.
слухайце аўдыё