Пасля саміту НАТА мы можам адчуваць сябе ў большай бяспецы, але стан еўрапейскай бяспекі, і ў прыватнасці Польшчы, залежыць ад выніку вайны ва Украіне», — заявіў генерал Станіслаў Казей, былы кіраўнік Бюро нацыянальнай бяспекі.
Паводле генерала Казея, наступнай мэтай Расіі будзе не Малдова і не Эстонія, а сухапутнае злучэнне з Калінінградам. Калі б Пуцін перамог ва Украіне, яго наступнай стратэгічнай мэтай было б атрымаць сухапутнае злучэнне з Калінінградам. У цяперашні час, асабліва калі Швецыя і Фінляндыя ўступаюць у НАТА, Калінінград становіцца асабліва важнай стратэгічнай базай для Расіі, і ў той жа час знаходзіцца ў ізаляцыі, - сцвярджаюць вайсковец.
Паводле словаў эксперта, на дадзены момант Польшчы не пагражае ўварванне. Найбольш верагодны сцэнар — замарозка канфлікту ва Украіне. Генерал Казей не бачыць сёння адназначнага рашэння на вайсковым узроўні. На палітычным і стратэгічным узроўні Расія гэтую вайну пакуль прайграе. Таму, пакуль ва Украіне працягваецца вайна, генерал думае, што Польшчы не пагражае ўварванне.
што да Украіны, яна нясе велізарныя страты, аднак, знаходзіцца ў настолькі выгадным становішчы, што можа разлічваць на шырокую падтрымку з боку Захаду, заўважае генерал Казей.
Дагэтуль структура сіл НАТА была арыентавана на рэагаванне на крызіс. Зараз гэта канвертуецца ў канцэпцыю абароны ад расійскай пагрозы. Сутнасць змяненняў заключаецца ў пераходзе НАТА ад існуючых планаў на выпадак непрадбачаных сітуацый да пастаянных аператыўных планаў, дзе канкрэтным брыгадам і дывізіям будуць пастаўлены задачы. Сілы NATO ператвараюцца з сіл хуткага рэагавання ў сілы абарончага рэагавання - дадае ён.
юл