19 мая ў Хірасіме пачаўся трохдзённы саміт лідараў краін G7 – групы сямі найбагацейшых краін свету. Важнейшымі тэмамі перамоў называюцца - абмеркаванне далейшых пакетаў санкцый супраць Расіі і пагрозы, звязаныя з узмацненнем магутнасці Кітая і залежнасцю свету ад кітайскіх ланцугоў паставак. Гэтыя ды іншыя пытанні ў Хірасіме абмяркуюць лідары ЗША, Францыі, Японіі, Канады, Германіі, Вялікабрытаніі і Італіі. Лідары такіх краін, як Індыя і В'етнам, прымуць удзел у саміце ў якасці назіральнікаў. Справа ў тым, што Японія, як прымаючая краіна, пашырыла спіс запрошаных, улучыўшы ў яго Аўстралію, Індыю, Бразілію, Паўднёвую Карэю, В'етнам, Інданезію, Каморскія выспы (якія прадстаўляюць Афрыканскі звяз) і Выспы Кука (якія прадстаўляюць Форум ціхаакіянскіх выспаў). Больш падрабязна перадае карэспандэнт Польскага радыё Дарота Галаса.
- Тэмай трохдзённага саміту Г7 і прадстаўнікоў Еўрапейскага Саюза будуць праблемы сусветнай палітыкі ды эканомікі. Галоўнае палітычнае пытанне – гэта падтрымка для Украіны, якая змагаецца з расійскай агрэсіяй. Наступныя справы – рэакцыя на растучую марскую актыўнасць Кітая, а таксама ваенныя дзеянні Паўночнай Карэі. Сярод эканамічных пытанняў гучаць справа паставаў паўправаднікоў, развіццё штучнага інтэлекту, супраца ў галіне тэхналогій, паглыбленне адносін з краінамі Інда-Ціхаакіянскага рэгіёна, з развіваючыся краінамі, праблемы аховы здароўя, энергетычная палітыка ды харчовая бяспека. Лідары збіраюцца ўзмацніць санкцыі ў дачыненні да Расіі.
Уладзімір Зяленскі адправіцца ў Японію на саміт G7, паведаміла ВВС, спасылаючыся на словы сакратара СНБА Аляксея Данілава. «Там будуць вырашацца вельмі важныя рэчы, і таму прысутнасць нашага Прэзідэнта неабходна для абароны нашых інтарэсаў», — заявіў ён. Сам Уладзімір Зяленскі зазначыў перад выездам, што нельга спыняць супраціў гвалтаўніку.
- Мы не маем права ні на хвіліну аслабіць супраціў, апазіцыю. Мы не маем права не здушыць зло, страціць адзінства нашых саюзнікаў, заўчасна скласці зброю, не змагацца да канчатковай перамогі. Расеі патрэбны не мір, а час для новых ракет, для новага плана, для новай атакі. Гэта формула расійскай палітыкі, нязменная стагоддзямі. XXI павінен быць яе апошнім. Механізмы рэалізацыі гэтага закладзеныя ва ўкраінскай формуле міру. Гарантыі бяспекі, каб такое ніколі не паўтарылася.
Адной з галоўных тэм саміту абвешчана пытанне новых санкцый супраць Расіі. На гэта налягае ў першую чаргу Вялікабрытанія. З моманту ўварвання Расіі ва Украіну Вялікабрытанія ўвяла санкцыі супраць больш чым 1500 расіян ды расійскіх арганізацый, замарозіла актывы на суму больш за 18 мільярдаў фунтаў. У Хірасіме Лондан таксама мае намер заблакаваць імпарт расійскіх медзі, алюмінію і нікелю ды алмазаў. Гэта частка новага пакета санкцый, абвешчанага брытанскім прэм'ер-міністрам Рышы Сунакам.
Выступаючы на прэс-канферэнцыі перад пачаткам саміту, прэзідэнт Еўрапейскай рады Шарль Мішэль заявіў, што мэта складаецца ў тым, каб яшчэ больш ізаляваць Маскву ў эканамічным плане і аслабіць яе здольнасць весці вайну.
- Цяпер мы сканцэнтраваны на тым, каб перакрыць шчыліны і адрэзаць Расію ад найважнейшых паставак. Мы абмяжуем гандаль расійскімі дыяментамі. Мы адкрыта і адкрыта тлумачым, чаму гэтыя санкцыі неабходныя і апраўданыя. Расійскія алмазы не назаўжды.
Шмат у чым размова будзе датычыцца і Кітайскай Народнай Рэспублікі, якая з'яўляецца найбуйнейшым канкурэнтам ЗША ці Японіі. Многія краіны рэгіёну, такія як Японія ці Паўднёвая Карэя, усё часцей выказваюць занепакоенасць ростам ваеннай моцы Кітая ў кантэксце магчымай сілавой спробы захопу Тайваня. Аднак гэтая тэма таксама можа падзяліць лідараў, паколькі прэзідэнт Францыі адкрыта выступае за зніжэнне залежнасці Еўропы ад ЗША, што фактычна падтрымлівае пазіцыю Пекіна. У Хірасіму прыбудзе і прэзідэнт Паўднёвай Карэі, што з'яўляецца яшчэ адным сведчаннем хуткага пацяплення адносін паміж Токіа і Сеулам.
Беларускія дэмакратычныя сілы заклікаюць не забываць пра рэжым Лукашэнкі, каб уключыць яго ў пакет антырасійскіх санкцый. Інакш гэта правядзе да яшчэ горшых наступстваў, папярэдзіў у эфіры Польскага радыё 24 намеснік старшыні апазіцыйнага Аб’яднанага пераходнага кабінету міністраў Беларусі Павал Латушка.
- На працягу 11 месяцаў ніякіх абмежаванняў у дачыненні да Беларусі не ўводзілася. Ніхто не ставіць пытанняў і пра крымінальную адказнасць Аляксандра Лукашэнкі. Гэтая стратэгія прывядзе да таго, што праз некалькі гадоў, калі Украіна выйграе цяперашнюю вайну, Беларусь ізноў будзе выкарыстаная для чарговай агрэсіі з боку Расіі.
Беларускія дэмакратычная сілы заклікаюць мабілізаваць міжнародную супольнасць, каб не дазволіць Лукашэнку «перагарнуць старонку» і нармалізаваць яго злачынны рэжым.
Юры Ліхтаровіч