X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларускія школьнікі заваявалі серабро на міжнародных алімпіядах па матэматыцы і біялогіі

23.07.2019 15:02
Міжнародная матэматычная алімпіяда праходзіла ў горадзе Бат у Вялікабрытаніі, а біялагічная ў горадзе Сегед у Венгрыі.
   .
Здымак мае ілюстрацыйны характар.Photo:geralt/pixabay.com/CC0 Public Domain

Беларускія школьнікі заваявалі сярэбраныя і бронзавыя медалі на міжнародных алімпіядах па матэматыцы і біялогіі, паведамілі БЕЛТА ў прэс-службе БДУ. Міжнародная матэматычная алімпіяда праходзіла па 22 ліпеня ў горадзе Бат у Вялікабрытаніі.

„Сярэбраны медаль заваяваў ліцэіст БДУ Уладзіслаў Зверык. Серабро таксама на рахунку ў вучаніцы сталічнай гімназіі нумар 41 імя В.Х.Сярэбранага Аляксандры Новік”, - расказалі ў прэс-службе. Бронзавымі прызёрамі сталі вучні баранавіцкай гімназіі нумар 1 і гімназіі нумар 71 Гомеля.

Усяго ў матэматычнай алімпіядзе прыняў удзел 621 школьнік са 112 краін. Спаборніцтва ўключала два туры, дзе неабходна было рашыць па тры задачы ў кожным. Школьнікам прапаноўвалася выканаць заданні з геаметрыі, тэорыі лічбаў, алгебры і камбінаторыкі. Кіраўнікамі беларускай каманды выступілі выкладчыкі Ліцэя БДУ.

На міжнароднай біялагічнай алімпіядзе (International Biology Olympiad-IBO), якая завяршылася 21 ліпеня ў горадзе Сегед у Венгрыі, беларускія школьнікі заваявалі адзін сярэбраны і тры бронзавыя медалі.

Серабро на рахунку ў вучня мінскай гімназіі нумар 18 Даніэля Трухана. Бронзавымі ўзнагародамі адзначаны ліцэіст БДУ Антон Кацуба, Кацярына Камінская са сталічнай гімназіі нумар 10 і Уладзіслаў Палічэнка з Магілёўскага дзяржаўнага абласнога ліцэя нумар 3.

Усяго ў бягучым годзе ў алімпіядзе прынялі ўдзел амаль 300 школьнікаў з 75 краін.

„Юныя біёлагі спаборнічалі ў двух турах: тэарэтычным і практычным. Яны прайшлі тэст і выканалі чатыры лабараторныя работы па клетачнай і малекулярнай біялогіі, анатоміі і фізіялогіі раслін, жывёл і чалавека, эталогіі, генетыцы, эвалюцыі, экалогіі і біясістэматыцы”, - адзначылі ў прэс-службе. Кіраўнікамі нацыянальнай каманды былі выкладчыкі біялагічнага факультэта БДУ

Першая міжнародная алімпіяда па матэматыцы была арганізавана ў 1959 годзе ў Румыніі. Яе ўдзельнікамі сталі вучні сярэдніх школ з сямі дзяржаў. З таго часу мерапрыемства праводзілася штогод за выключэннем 1980 года. У 2020-м алімпіяду прыме Санкт-Пецярбург (Расія). Міжнародная біялагічная алімпіяда (IBO) праводзіцца з 1990 года. Кожная краіна-ўдзельніца прадстаўляе чатыры вучні з ліку пераможцаў адпаведных нацыянальных спаборніцтваў. Залатыя медалі прадастаўляюцца лепшым 10 працэнтам удзельнікаў, серабро - наступным 20 працэнтам, бронза - 30 працэнтам. Наступны раз IBO пройдзе ў Нагасакі (Японія).

аз