Паводле інфармацыі газеты «Інфа-Курʼер», замест кнігарні адкрыецца крама, дзе будуць прадаваць алкаголь.
Як распавёў мясцовай прэсе намеснік дырэктара ГУП «Аблкаапгандаль» Аляксандр Майстрэнка, кнігарня прыносіла страты.
Найперш з-за таго, што лагістыка з Менску нятанная, яшчэ ў кнігарні працавалі два чалавекі, трэба было плаціць арэнду за памяшканне, а тавараабарот зніжаецца.
У звязку з гэтым «Аблкаапгандаль» разглядае пытанне: закрыць кнігарню, а на яе месцы адкрыць іншую краму.
Чыноўнікі заявілі, што разглядаюць іншы вектар дзейнасці – гандаль спіртных напояў. Яны плануюць перайсці на гэтую групу тавараў і на месцы «Кніжнага свету» адкрыць алкагольную краму «Градус».
юл