Пра гэта падчас прэс-канферэнцыі ў Палацы Незалежнасці ў Мінску заявіў дзяржаўны сакратара ЗША Майкл Пампеа, перадае Радыё Свабода.
Майкл Пампеа нагадаў, што ЗША былі адной з першых краінаў, якія прызналі незалежнасць Беларусі ў 1991 і Злучаныя Штаты па-ранейшаму застаюцца адданымі гэтым прынцыпам і абавязацельствам.
«Спадзяюся, гэта [візіт] першы салідны крок у кірунку больш блізкіх адносінаў і сувязяў», – адзначыў кіраўнік знешнепалітычнага ведамства ЗША. Таксама Пампеа адзначыў важнасць супрацы спецслужбаў ЗША і Беларусі ў пытаннях памежнай бяспекі, кібер і наркатрафіку.
«ЗША хоча дапамагчы Беларусі пабудаваць суверэнную краіну. Нашы вытворцы энергетыкі гатовыя паставіць 100% нафты, якая вам патрэбная па канкурэнтных цэнах. Мы найбуйнейшы ў свеце вытворца нафты і ўсё, што вам трэба зрабіць – гэта замовіць», – пераконваў Лукашэнку Майкл Пампеа.
Пампеа сказаў, што пагаварыў з Лукашэнкам пра неабходнасць стварыць амерыканскаму бізнесу больш простыя ўмовы для прыходу на беларускі рынак.
Раней пад час размовы з Аляксандрам Лукашэнкам Майкл Пампеа паведаміў, што ЗША ў бліжэйшы час прызначаць амбасадара ў Беларусі. Пры гэтым Пампеа заявіў, што для ЗША важнае пытанне правоў чалавека ў Беларусі і яны занепакоеныя іх станам.
Дзяржсакратар Пампеа наведвае Беларусь у рамках еўрапейскага турнэ. Напярэдадні ён ужо пабываў у Лондане і Кіеве, пасля накіроўваецца сталіцу Казахстану Нур-Султан і сталіцу Узбекістану Ташкент.
эж