Чыноўнік паведаміў, што ўлады краіны разлічваюць на далейшую паступальную нармалізацыю адносін з ЗША. Гэта вынік візіту Дзяржаўнага сакратара ЗША Майклам Пампеа ў Беларусь, дзе ён сустрэўся з беларускім кіраўніком Аляксандрам Лукашэнкам, перадае БЕЛТА.
«Мы надаём гэтаму візіту абсалютна важнае значэнне. Апошні візіт дзяржсакратара ЗША ў Беларусь праходзіў 26 гадоў таму. Цяперашні візіт зʼяўляецца наглядным сведчаннем інтэнсіфікацыі беларуска-амерыканскага ўзаемадзеяння. Візіт, як мы лічым, прызначаны надаць значны імпульс працэсу паступальнай нармалізацыі двухбаковых адносін», – заявіў Уладзімір Макей.
Дыпламат падкрэсліў, што сустрэча з Аляксандрам Лукашэнкам прайшла ў атмасферы абсалютнага даверу і ўзаемаразумення. Абмеркаваны шырокі спектр пытанняў двухбаковых адносін. «Бакі прыйшлі да высновы, што па шэрагу напрамкаў падыходы і інтарэсы супадаюць або пераклікаюцца. Адзначана палітычная воля і далей развіваць двухбаковыя адносіны. Гэтаму будзе садзейнічаць вяртанне паслоў у сталіцы дзвюх краін пасля 12-гадовага перапынку», – лічыць міністр.
Беларускі бок вітаў падтрымку суверэнітэту і незалежнасці краіны, аб чым заяўляюць ЗША.
юл