Дэлегацыя канцэрна «Белнафтахім» прыбыла ў Казахстан для правядзення прадметных перамоў па пастаўках нафты ў Беларусь, паведамляе «Наша ніва».
«Дэлегацыя пад кіраўніцтвам намесніка старшыні канцэрна «Белнафтахім» Андрэя Бунакова знаходзіцца ў Казахстане, вылецелі напярэдадні», — сказаў прадстаўнік прэс-службы «Белнафтахіма».
Таксама ўрад Беларусі ўпаўнаважыў першага віцэ-прэм'ера Андрэя Крутога падпісаць пагадненне па нафце з Казахстанам.
Беларусь вядзе з Казахстанам перамовы па імпарту нафты ва ўмовах адсутнасці кантрактаў з асноўнымі расійскімі пастаўшчыкамі.
яс