X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Беларускія энергетыкі вырашылі, што рабіць з буслянкамі на слупах

25.03.2020 12:35
Праблему разбурэння буслянак на слупах лініяў электраперадач апошнім часам актыўна ўздымалі і мясцовыя жыхары, і СМІ.
Zdjęcie ilustracyjne
Zdjęcie ilustracyjnePixabay.com

Энергетыкі спынілі знішчэнне бусліных гнёздаў на лініях электраперадач і ўзяліся за канструяванне спецыяльных апор, паведамляе грамадская арганізацыя «Ахова птушак Бацькаўшчыны» (АПБ), перадае "Радыё Свабода".

Канструктарская дакументацыя будзе гатовая ў другім квартале 2020 году – яе распрацоўкай займаюцца «Белэнерга» і «Белсельэлектрасеткабуд». Ужо правялі першыя выпрабаванні на здольнасць апор вытрымліваць працяглую статычную і дынамічную нагрузку.

Праблему разбурэння буслянак на слупах лініяў электраперадач апошнім часам актыўна ўздымалі і мясцовыя жыхары, і СМІ, адзначае АПБ. Усё больш буслоў пачынаюць будаваць гнёзды на апорах ЛЭП, таму што асобных прыдатных дрэваў застаецца ўсё менш, а на сучасных дахах умацаваць гняздо наагул немагчыма. Але гнёзды на слупах ЛЭП небяспечныя: можа здарыцца кароткае замыканне, і вёска застанецца без электрычнасці. Акрамя таго, старое гняздо звычайна важыць некалькі цэнтнераў, і штогод буслы паднаўляюць яго, дадаючы 60-100 кг, а слупы не разлічаныя на такую нагрузку, ды і саму птушку можа забіць токам.

У канцы жніўня 2019 году Міністэрства прыроды арганізавала нараду, на якой прадстаўнікі Мінэнэрга, «Белэнэрга», ААТ «Белсельэлектрасетбуд», Навукова-практычнага цэнтру біярэсурсаў НАН Беларусі і АПБ знайшлі шляхі яе вырашэння.

Цяпер спецыялісты «Белсельэлектрасетбуду» ужо заканчваюць працу над стандартам слупоў з буслянкамі, якімі будуць замяняцца звычайныя слупы, якія падабаліся буслам. У красавіку канчатковы варыянт накіруюць у «Белэнэрга», і там сваім загадам увядуць яго ў дзеянне.

эж