X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

У Савецкім раёне Гомеля ў Бабарыкі і Цапкалы не прызналі подпісаў

29.06.2020 17:45
Самы вялікі працэнт несапраўдных подпісаў па выніку асноўнай і дадатковай праверкі ў Віктара Бабарыкі – 23,28%. 
   .
Здымак мае ілюстрацыйны характар.Photo:ulleo /pixabay.com/CC0 Public Domain

Пра гэта 29 чэрвеня паведаміў доўгатэрміновы назіральнік кампаніі «Праваабаронцы за свабодныя выбары» Леанід Судаленка, які прысутнічаў на паседжанні Савецкай раённай камісіі па выбарах прэзідэнта, паведамляе gomelspring.org.

Самы вялікі працэнт несапраўдных подпісаў па выніку асноўнай і дадатковай праверкі ў Віктара Бабарыкі – 23,28%. Па гэтай прычыне прынята рашэнне не залічваць экс-кіраўніку Белгазпрамбанка ўсе здадзеныя на праверку 4870 подпісаў. У экс-кіраўнік Парку высокіх тэхналогій Валерыя Цапкалы па выніку двух праверак несапраўднымі апынуліся 16,53%. У выніку яму не пайшлі ў залік усе 1956 подпісаў.

У пакінутых пяці прэтэндэнтаў, уключаючы дзеючага кіраўніка дзяржавы, працэнт несапраўдных подпісаў у выніку асноўнай праверкі склаў менш за 15% і па іх паўторныя праверкі не праводзіліся. Абсалютна чыстымі апынуліся ўсе 45 подпісаў толькі ў экс-дэпутаткі Ганна Канапацкай.

Па словах незалежнага назіральніка, на пасяджэнні таксама прынята рашэнне аб месцах і памяшканнях у раёне для размяшчэння і вядзення перадвыбарнай агітацыі. Па ўсіх рашэнням галасавалі адзінагалосна, альтэрнатыўных меркаванняў у членаў раённага выбаркама не ўзнікла. Леанід Судаленка ўстрымаўся ад каментара аб несапраўдных подпісах у двух камандах альтэрнатыўных кандыдатаў.

- Я пакуль для сябе хачу зразумець, чаму подпісы ў двух прэтэндэнтаў у Гомелі забракаваныя. Будзе статыстыка па іншых раёнах, тады і ўбачым, што адбываецца, – адзначыў ён.

Каментуючы ў цэлым вынікі пасяджэння, назіральнік адзначыў, што паседжанне доўжылася каля паўгадзіны, кворум быў на ім прысутнічалі 12 з 13 сяброў камісіі. У раённым выбаркаме зарэгістраваліся яшчэ 9 назіральнікаў ад прадзяржаўных структур, аднак яны пакуль сваёй цікавасці да кампаніі не праяўляюць. Назіральнік таксама дадаў, што практычна ўсе на пасяджэнні камісіі, знаходзіліся ў масках.

Савецкі раён Гомеля з'яўляецца адным з самых буйных, тут пражывае каля 180 тысяч чалавек. Рэгістрацыя кандыдатаў у прэзідэнты пройдзе з 5-га па 14 ліпеня.