6 жніўня стала вядома, што напярэдадні выбараў прэзідэнта Беларусі ў многіх буйных гарадах краіны пройдуць канцэрты, у тым ліку з удзелам замежных выканаўцаў (у асноўным, расійскіх ды ўкраінскіх), паведамляе «Наша Ніва»
Пасля навіны пра канцэрты жыхары Беларусі пачалі масава пісаць зоркам у сацыяльных сетках і прасіць іх не прыязджаць на канцэрты 8 жніўня.
Канцэрты на 8 жніўня ў падтрымку Лукашэнкі ў Мінску, абласных і вялікіх раённых гарадах з удзелам замежных артыстаў адмененыя.
Расійскі гурт Rasa, «Кар-Мэн, беларуская зорка Мэв, Джаро і Ханза паведамілі, што не прыедуць на канцэрт у Мінск 8 жніўня.
Стас П'еха адмовіўся выступаць 8 жніўня ў Брэсце (сказаў, што раней за восень не чакаць яго ў Беларусі).
Haddaway наогул не ведаў, што выступае 8 жніўня ў Гомлі, таму не будзе і яго.
Ціна Караль выдаліла ўсе анонсы мерапрыемства 8 жніўня ў Бабруйску (таксама зʼявілася афіцыйная заява ў пабліку ўкраінскага еўрабачання, што яна не прыедзе). Юліана Караулава адмовілася выступаць 8 жніўня ў Брэсце. Аксана Кавалеўская (гурт «Краски») напісала ў інстаграме, што таксама не выступае ў Брэсце.
Леанід Агуцін спытаў у сваіх фанаў, ці ехаць яму на канцэрт 8 жніўня ў Гродне, і прыняў рашэнне – адмовіцца да паездкі ў Беларусь.
А пад поўнач прыхільнікам даў адказ на просьбы не прыязджаць на канцэрт у горад на Заходняй Дзвіне Рыгор Лепс: «Дарагія сябры! Канцэрту ў Віцебску 8 жніўня не будзе».
эж