Каардынацыйны савет абраў свой прэзідыум. Нагадваем, савет быў створаны экс-кандыдатам у прэзідэнты Святланай Ціханоўскай і павінен стаць прадстаўнічым органам беларускага грамадства для перамоў з уладамі.
У склад савета ўвайшло каля 70 чалавек. Учора быў абраны яго прэзідыум, у які ўвайшлі, між іншым, лаўрэат Нобелеўскай прэміі па літаратуры Святлана Алексіевіч і былы дырэктар Купалаўскага тэатра, былы дыпламат (у тым ліку былы амбасадар Беларусі ў Польшчы) Павел Латушка і яшчэ чатыры чалавекі.
Вольга Кавалькова, таксама член прэзідыум, заявіла, што праца Каардынацыйнага савета накіраваная на арганізацыю мірнага працэсу перадачы ўлады і забеспячэння згоды ў грамадстве.
Тым часам Аляксандр Лукашэнка на паседжанні Савета бяспекі раскрытыкаваў стварэнне з Каардынацыйнай рады.
- Для захопу і перадачы ўлады была створана так званая чорная сотня. Гэта так званы апазіцыйны штаб. Я хачу яшчэ раз падкрэсліць, што стварэнне альтэрнатыўных і паралельных і іншых органаў улады - такіх, як сотні - для захопу ўлады караецца законам.
Аляксандр Лукашэнка, ужываючы тэрмін „чорная сотня”, спаслаўся на кансерватыўны рух, які існаваў у царскай імперыі ў пачатку XX стагоддзя. З часам чорная сотня стала сінонімам крайне правых і фашысцкіх апалчэнцаў.
аз