Згодна з матэрыяламі справы ў Смаргоні былі расклееныя ўлёткі з інфармацыяй аб супрацоўніках міліцыі, якія паводле тых, хто іх клеіў, ілжэсведчылі ў судах на ўдзельнікаў пратэстных акцый.
Улан сфатаграфаваў гэтыя ўлёткі і змясціў здымкі ў адным з каментароў у сацыяльных сетках.
Літаральна праз дзень яго затрымалі, у хаце і на працы праведзены ператрусы, узбуджана крымінальная справа.
Тым не менш, кожны з пацярпелых у якасці кампенсацыі патрабуе ад Улана па 1 тысячы рублёў.
А пракурор у сваёй прамове, паводле Улана, сказаў, што сваімі дзеяннямі той абразіў гонар міліцыі і запрасіў тры гады “хіміі” з накіраваннем ва ўстанову адкрытага тыпу.
Раман Улан лічыць, што такое патрабаванне пракурора невыпадковае.
- Яны хочуць мяне з Смаргоні выштурхнуць, каб я тут людзей ні на што не падбіваў. Мне здаецца – гэта асноўнае.
Рашэнне суда маюць аб’явіць 5 студзеня.
Алесь Завіноўскі