У Беларусі рыхтуюцца папраўкі ў закон аб СМІ, паводле якіх журналістаў, якія асвятляюць несанкцыянаваныя акцыі, плануюць прыраўняць да ўдзельнікаў гэтых акцый. Пра гэта паведаміў «Смартпрэс» старшыня прарэжымнага грамадскага аб'яднання «Белая Русь» Генадзь Давыдзька.
«Цяпер у зменах у закон аб СМІ, якія рыхтуюцца, калі мерапрыемства не дазволена па законе, то любы журналіст, які знаходзіцца там, ужо не журналіст, а проста грамадзянін, які ўдзельнічае ў несанкцыянаваным мерапрыемстве. Я лічу гэта правільна», – сказаў Давыдзька.
Паводле яго слоў, часта мерапрыемства праводзіцца не для самога мерапрыемства, а каб яно патрапіла ў СМІ.
«Што тут каментаваць, трэба быць лаяльнымі, трэба быць законапаслухмянымі», – лічыць Генадзь Давыдзька.
Ён падкрэсліў, што «цяпер шмат адыёзных сродкаў масавай камунікацыі, якія працуюць у Інтэрнэце, у якіх мільённыя наведванні, дзе ўвесь час ідзе бесперапынны штосутачны мітынг супраць дзейснага прэзідэнта, улады».
вс