8-га красавіка разглядалася апеляцыя лідскага актывіста Вітольда Ашурка, асуджанага на 5 гадоў за арганізацыю беспарадкаў і гвалце над міліцыянерамі. Прысуд пакінулі без зменаў.
Дэталі прысуду Ашурку сталі вядомыя толькі ў абласным судзе, паколькі яго справу ў Лідзе разглядалі ў закрытым рэжыме.
Яго судзілі за падзеі 9 жніўня калі людзі прыйшлі да райвыканкаму з бел-чырвона-белымі сцягамі і транспарантамі.
Ашурка абвінавацілі, што ён таксама выкрыкваў лозунгі, а таксама ў тым, што ўдарыў міліцыянера ў жывот.
Ашурак сваёй віны на судзе не прызнаў. На разгляд апеляцыі яго таксама не даставілі ў суд.
У апеляцыі яму было адмоўлена.
Алесь ЗАВІНОЎСКІ