Па дадзеных за 2020 год, у першы раз па міжнародную абарону ў краінах Еўрасаюзу звярнуліся 1165 грамадзян Беларусі, прыводзіць Свабода статыстыку Eurostat.
Топ-10 краінаў, у якіх беларусы папрасілі аб наданні статусу ўцекача за мінулы год:
- Польшча – 385 чалавек,
- Нямеччына – 140,
- Францыя –100,
- Нідэрланды – 85,
- Швецыя – 85,
- Літва – 80,
- Чэхія – 60,
- Бельгія – 55,
- Латвія – 45,
- Іспанія – 40
Таксама грамадзяне Беларусі падавалі заявы на атрыманне статусу ўцекача ў Італіі, Даніі, Аўстрыі, Ірландыі, Люксембургу і Фінляндыі.
Сярод тых, хто звяртаўся па міжнародную абарону ў мінулым годзе, большасць складаюць мужчыны – 745 чалавек. Практычна палова ўцекачоў – маладыя людзі ва ўзросце ад 18 да 34 гадоў (510 чалавек).
нг