Праваабаронца настойвае, што ў 2017 годзе беларуская дзяржава парушыла яе права на ўдзел у масавым мерапрыемстве. Тады Ірыну пакаралі штрафам у 30 базавых велічынь. Пастанова абскарджвалася ў вышэйшых судовых інстанцыях, але суды адмовіліся бараніць правы жанчыны. Ірына Траццякова не звярталася ў пракуратуру, бо лічыць пракурорскі нагляд у Беларусі неэфектыўным.
Па гэтай прычыне беларускія ўлады лічаць скаргу непрымальнай, бо Ірына не звярнулася ў пракуратуру і злоўжывае правам на падаванне ёй апавяшчэння ў міжнародныя органы. Тым не менш, Камітэт па правах чалавека ААН скаргу зарэгістраваў.
Для Беларускай службы Польскага радыё Святаслаў Бруйко, Віцебск