Побач з Нацыянальным санктуарыем Маці Божай Будслаўскай перад фэстам быў усталяваны крыж, зроблены з абгарэлых бэлек і фрагментаў медзі з даху святыні, знішчанага пажарам 11 мая. Перад крыжам стаіць таблічка з надпісам: «Боль і ахвяра. Крыж зроблены з гістарычных абвугленых бэлек згарэлага даху Будслаўскай базылікі».
Гэта спецыфічны адпуст – кажа біскуп Юры Касабуцкі. І выказвае ўпэўненасць, што храм у Будславе будзе адноўлены.
-Мы не можам падысці да святыні, яна абгароджаная, стаіць без даху пасля пажару. Мы ведаем, што Бог дапускае розныя выпрабаванні для ўсіх нас. Згарэў дах – гэта балюча, але з іншага боку мы заўважаем, як гэта моцна салідарызавала людзей. Мы адновім святыню. У гэтым няма сумневу. Але напэўна гэта павінна намі ўскалыхнуць і аднавіць нашую веру.
Перад урачыстасцю Маці Божай Будслаўскай на правай вежы базілікі зноў пайшоў гадзіннік XVIII стагоддзя, які боем званоў адлічвае кожную чвэрць гадзіны. Дослед механізму і праца па яго аднаўленні занялі больш за два гады.
ав/catholic.by
Іконы, якія ўдзельнічалі ў аўтамабільнай пілігрымцы ўздоўд межаў Беларусі
Пажар касцёла ў Будславе