Паводле «Народнай волі», Іван Цітоў хадзіў па горадзе ў масцы з нацыянальнай сімволікай, за што яго пакаралі штрафам і пазбавілі права знаходзіцца ў Беларусі (хормайстар мае расійскае грамадзянства).
З дваімі дзецмі і цяжарнай жонкай ён выехаў у Расію.
Гэта ня першае звальненне з Опернага тэатра пасля прызначэння ў траўні дырэктарам Вячаслава Гарбузава – экс-кіраўніка Брэсцкага тэатра драмы і функцыянера БРСМ, - нагадвае Свабода.
Разам з завяршэннем сезона пакідае тэатр народны артыст Беларусі Уладзімір Пятроў – яму не падоўжылі кантракту.
Оперны тэатр звольніў вядучага барытона Уладзіміра Пятрова, які выступаў супраць гвалту.
Развітаецца з установай салістка Наталля Акініна. Таксама ў гэтым сезоне з палітычных прычын звольніліся ці былі звольненыя дырыжоры Андрэй Галанаў і Вячаслаў Воліч, спявак Ілля Сільчукоў, канцэртмайстар Рэгіна Саркісава, скрыпачка Ала Джыган, альтыстка Аляксандра Пацёміна.
Летась праз ідэалагічныя рознагалоссі з адміністрацыяй сышла з тэатру спявачка Маргарыта Ляўчук.
яс