У публічнай прасторы з'явілася фэйкавая інфармацыя аб тым, што грамадзянін Беларусі, які атрымаў статус уцекача ў Польшчы ці ў якой іншай краіне, не мае права вярнуцца ў Беларусь. Старшыня Фонду Беларускі дом у Варшаве Алесь Зарэмбюк зняпраўджвае гэтую інфармацыю:
- Гэтая працэдура не забараняе вярнуцца ў Беларусь. Зразумела, што чалавек абавязваецца: ён атрымаў статус, значыць у Беларусь вяртацца яму небяспечна. Але, калі сітуацыя зменіцца, чалавек можа сам прымаць рашэнне, ці ён вяртаецца ў Беларусь ці не. Ёсць такія людзі, якія мелі такі статус у Польшчы і вярнуліся ў Беларусь. Я не кажу пра апошнюю хвалю, але кажу пра папярэднія хвалі палітычнай эміграцыі.
За паўгода статус бежанца ў Польшчы атрымалі 282 грамадзяне Беларусі.
яс