Палітвязняў у Брэсце пазначаюць чырвонымі біркамі

Чырвоны колер тлумачыцца «схільнасцю да ўцёкаў, захопу закладнікаў або нападу на адміністрацыю»

zdjęcie ilustracyjne

shutterstock/ sakhorn

На дадзены момант вядома пра такія чырвоныя біркі ў трэцяй часткі абвінавачаных па «карагоднай справе». На прафілактычны ўлік іх паставілі ў СІЗА №7 у Брэсце. Менавіта чырвоны колер тлумачыцца «схільнасцю да ўцёкаў, захопу закладнікаў або нападу на адміністрацыю», перадае «Радыё Рацыя».

Раней паведамлялася пра тое, што за «экстрэмісцкі» улік палітвязні ў месцах абмежавання волі насілі жоўтыя біркі.

Да жоўтых бірак дадалі чырвоныя наступным фігурантам крымінальных палітычна матываваных справаў: Арцёму Клімчуку, Мікіту Ганчарову, Дзянісу Жуку, Максіму Шатохіну, Вадзіму Жылінскаму і Антону Сотнікаву.

Як адзначаюць родныя палітзняволеных, большасць з іх папросту баяцца распавядаць пра наяўнасць бірак у лістах ці пры асабістых сустрэчах, бо за паведамленне такой інфармацыі стаўленне да іх з боку адміністрацыі можа змяніцца яшчэ ў горшы бок.

эж