Расійскае Міністэрства абароны абʼявіла конкурс на закупку паслугаў комплекснага дагляду сваіх казармаў і жылля для афіцэраў на абʼектах у Беларусі амаль на 147 мільёнаў расійскіх рублёў.
У Баранавічах і Вілейцы даўно месцяцца вузел сувязі і лакацыйная станцыя, якія раней працавалі на Савецкі Саюз, а цяпер на расейскія ўзброеныя сілы. Але сёлета закапаюць паслуга на 22% болей, чым летась.
Гэта выглядае падазрона на тле размоваў аб фарміраванні ў Гродна і Баранавічах нейкага сумеснага ваенна-вучэбнага цэнтра. Тым часам у Беларусь з Расіі ўязджаюць вайскоўцы, афіцыйна для ўдзелу ў планавых вучэннях. Беларускае мінабароны не паведамляе, колькі іх уязджае, у якім статусе, як доўга яны тут будуць, за чые грошы.
Вяртаючыся да тэндару, дзеля справядлівасці скажу, што адпаведная закупка паслуг адначасова робіцца і ў Кіргізіі, дзе стаяць такія ж базы, як і Беларусі. І там запрошаны абʼём паслуг таксама падаражэў на 22%.
Спецыяльна для Беларускай службы Польскага радыё, Казімір Шчадковіч, Мінск.