Камітэт па замежных справах Сената Кангрэса ЗША ў аўторак, 19 кастрычніка прыняў рэзалюцыю з заклікам да ўраду краіны ва ўзаемадзеянні з саюзнікамі нарошчваць ціск на ўлады Беларусі. Пра гэта паведаміў у Twitter старшыня камітэта, прадстаўнік Дэмакратычнай партыі ад штата Нью-Джерсі Роберт Мэнэндэс.
Амерыканскі палітык заявіў, што ў дакуменце «выказваецца меркаванне Сената адносна палітычнай сітуацыі ў Беларусі». Па словах Мэнэндэса, далей рэзалюцыю разгледзіць верхняя палата Кангрэса ЗША поўнага складу.
У рэзалюцыі сенатары « заклікаюць да правядзення новых прэзідэнцкіх і парламенцкіх выбараў у Беларусі, якія павінны быць свабоднымі і справядлівымі, павіны прайсці ў адпаведнасці са стандартамі АБСЕ, пры ўдзеле назіральнікаў АБСЕ і незалежных мясцовых назіральнікаў».
У дакуменце таксама адзначаецца, што сенатары маюць намер «адмаўляцца прызнаваць Аляксандра Лукашэнку законна абраным лідарам Беларусі».
Амерыканскія заканадаўцы заклікалі партнёраў аказаць максімальны ціск на ўлады ў Мінску і прывіталі санкцыі Еўразвязу, як ужо ўведзеныя, так і тыя, што плануюцца.
паводле zerkalo.io/эж