У мінскім аэрапорце пачалі правяраць мужчын з расійскімі пашпартамі. Займаецца гэтым міліцыя, паведамляе «Нямецкая хваля» са спасылкай на свае крыніцы.
Як вядома, пасля абвяшчэння ў Расіі частковай мабілізацыі нямала мужчын спрабуюць выехаць за мяжу: у Манголію, Казахстан, Грузію, Фінляндыю і ў Беларусь.
Раней паведамлялася са спасылкай на ананімныя крыніцы, што 21 верасня сілавікам Лукашэнкі далі вуснае ўказанне адсочваць расіян, якія ў Беларусі хаваюцца ад мабілізацыі. Яны, у прыватнасці, павінны назіраць за здымнымі кватэрамі, а таксама адсочваць аўтамабілі з расійскімі нумарамі.
вс