Пра гэтую дамоўленасць паведамляе Міністэрства аховы здароўя. Адпаведнае пагадненне аб супрацы падпісалі прадстаўнікі міністэрства з кампаніяй «Сінафарм» (China Sinopharm International Corporation) падчас візіту ў Кітай - піша "Наша Ніва".
Апроч будаўніцтва медустановаў, таксама паведамляецца пра дамоўленасць аб пастаўках медыцынскага абсталявання кітайскай вытворчасці.
У часе візіту ў Кітай беларуская дэлегацыя наведала Пекінскі ўніверсітэт, каб абмеркаваць магчымасці для супрацы і абмену выкладчыкамі і студэнтамі для ўдзелу ў навукова-практычных канферэнцыях, стажыроўках, правядзенні сумесных навуковых даследаванняў. Універсітэту перадалі праект пагаднення аб супрацы з БДМУ.
Паведамляецца, што таксама абмяркоўвалася магчымасць супрацы з універсітэтам у галіне гематалогіі, у тым ліку CAR-T-тэрапіі. Гаворка ідзе пра падрыхтоўку спецыялістаў у галіне малекулярнай біялогіі – CAR-T-тэрапіі і новых тэхналогій пры алагеннай і аўталагічнай трансплантацыі касцявога мозгу.
нг