Павал Латушка назваў адрозненні выбараў у Расіі і Беларусі

У Расіі праходзіць хутчэй сімвалічная акцыя, а ў Беларусі ў 2020 годзе дзеянні беларусаў былі накіраваныя на змену палітычнай сістэмы з дыктатуры на дэмакратыю.

Павел Латушка

radyjo.net/Я.Іванюк

І ў іх, у адрозненне ад Расіі, была ўцягнутая большасць грамадзян. Так учорашняе галасаванне ў Расіі пракаментаваў Павал Латушка.

Паводле кіраўніка НАУ дзякуючы гэтаму, у 2020 годзе ў Беларусі здарыліся выбары, якія прадэманстравалі поўнае фіяска і палітычную паразу Лукашэнкі.

-У Расіі 2024, нягледзячы на акцыю «поўдзень супраць Пуціна», няма адчування дэмакратычнай і пратэснай большасці. Большасць расіян не выступіла супраць вайны і Пуціна. Большасць беларусаў супраць вайны і супраць Лукашэнкі. У Расіі, хутчэй, праходзіць сімвалічная акцыя. У Беларусі ў 2020 годзе дзеянні беларусаў былі накіраваныя на змену палітычнай сістэмы, - кажа Павал Латушка.

Павал Латушка адзначыў, што два гады расійскае грамадства так і не выступіла супраць вайны і Пуціна, нягледзячы на тое, што пагроза якіх-небудзь сур'ёзных наступстваў за гэта ў Расіі – непараўнальная з таталітарнай сістэмай кантролю і маштабных рэпрэсій у Беларусі. У Расіі няма маштабных рэпрэсій, як няма і масавай нязгоды грамадства з дзеяннямі ўлады.

У той час як у Беларусі большасць беларусаў супраць Лукашэнкі і супраць вайны – і канвеер тэрору ў краіне не спыняецца ні на дзень.

ав