У першыя хвіліны выбараў у Каардынацыйную раду, якія стартавалі а 0.00 25 мая, сайт для галасавання зазнаў маштабную атаку. Па словах старшыні выбаркама Алены Прыходзькі, атака праводзілася з розных геаграфічных пунктаў.
«Можна сказаць, што першыя дэмакратычныя выбары ў Беларусі пачаліся з каласальнай яўкі. Якая ўжо цяпер перавышае колькасць насельніцтва Беларусі больш чым у два разы», — распавяла Прыходзька, якая разам з Паўлам Ліберам распавялі, чым скончылася моцная DDoS-атака платформы ў першую гадзіну галасавання.
«Нічога страшнага не адбылося, але прыйшлося падкарэктаваць сістэму галасавання, таму яно пачалося крыху пазней», — адзначыў Павел Лібер.
Нягледзячы на спробу зламаць сістэму і запуск са спазненнем за першыя 2 гадзіны лічбавыя ID атрымалі амаль тысяча беларусаў.
Галасаванне павінна было скончыцца ў 23:59 у панядзелак, але, магчыма, з-за DDoS-атакі яно будзе працягнута на пару гадзін.
«Але гэта вырашаць Выбарчай камісіі», — дадаў Павел Лібер.
Паводле: Наша Ніва
нг