Гаворка ідзе аб выяўленай найбуйнейшай у гісторыі суверэннай Беларусі партыі наркотыкаў і псіхатропаў, паведамляе «Наша ніва». Яе першую частку, вагой больш за 184 кг гашышу, мытнікі знайшлі, надглядаючы польскі грузавік, у пункце пропуску «Казловічы».
Другую частку грузу такой жа вагі канфіскавала Віцебская мытня пры спробе адпраўкі наркотыкаў у Расію. Пры гэтым быў затрыманы беларус — саўдзельнік злачыннай групы. Спецмерапрыемствы, праведзеныя мытнікамі, дазволілі выявіць месца збору і захоўвання наркотыкаў для вывазу ў Расію.
У выніку пры спробе з'ехаць злачынцу затрымалі, ён спрабаваў вывезці 706 кг псіхатропаў.
Крымінальныя справы адкрытыя ў дачыненні да ўсёй групы асоб, якія ўдзельнічалі ў арганізацыі канала паставак наркотыкаў.
яс