У Міністэрства замежных спраў Беларусі была выкліканая часовая павераная ў справах Украіны ў Беларусі Вольга Цімуш. Ёё быў заяўлены пратэст у сувязі з інцыдэнтам з беспілотнікамі, паведамляе прэс-служба МЗС.
У паведамленні гаворыцца, што «ўкраінскаму дыпламату быў заяўлены рашучы пратэст і перададзеная адпаведная нота ў сувязі з парушэннем беларускай мяжы групай беспілотных лятальных апаратаў, запушчаных з тэрыторыі Украіны». Знешнепалітычнае ведамства запатрабавала прыняць меры для выключэння ў будучыні падобных інцыдэнтаў і папярэдзіла, што «пакідае за сабой права прадпрыняць адпаведныя крокі ў адказ для абароны сваёй тэрыторыі».
МЗС таксама заявіла, што калі дыпламатычнае прадстаўніцтва Украіны не зможа ўплываць на «правакацыі», то будзе пастаўлена пытанне аб мэтазгоднасці яго далейшай прысутнасці ў Мінску.
Пра знішчэнне ўкраінскіх БЛА над тэрыторыяй Беларусі сёння заявіў Лукашэнка. Дыктатар таксама загадаў узмацніць групоўкі войскаў на мяжы з Украінай.