У ліпені 2025 года споўнілася 30 гадоў з выхаду першага нумара часопіса «Мішпаха» (націск на апошні склад – рэд.), які выдаецца ў Віцебску. Назва часопіса перакладаецца на беларускую мову, як «Сям'я», «Род».
Гэтае ўнікальнае рускамоўнае яўрэйскае выданне стала не толькі культурным феноменам, але і месцам сустрэчы, памяці і самаідэнтыфікацыі для сотняў аўтараў і тысяч чытачоў па ўсім свеце – ад Бабруйска да Тэль-Авіва.
Часопіс «Мішпаха». Крыніца: mishpoha.org
Часопіс публікуе прозу, вершы, публіцыстыку, расказвае пра гісторыю яўрэяў Беларусі, традыцыі, дзеячаў яўрэйскай культуры і асветы.
Часопіс «Мішпаха» зʼяўляецца лаўрэатам прэміі ім. Чарльза Хофмана «За лепшае асвятленне яўрэйскай культурнай спадчыны».
Для Беларускай службы Польскага радыё Святаслаў Бруйко, Віцебск