У Беларусі распачаліся маштабныя вучэнні АДКБ з удзелам Калектыўных сіл аператыўнага рэагавання. Як паведамілі ў Міністэрстве абароны краіны, стартавала адразу некалькі манеўраў — «Узаемадзеянне-2025», «Пошук-2025» і «Эшалон-2025». Пляцоўкамі для іх правядзення сталі палігоны «Лепельскі» і «Лосвіда» ў Віцебскай вобласці.
На ўрачыстым адкрыцці ў Віцебску начальнік Генштаба Узброеных сіл — першы намеснік міністра абароны Беларусі Павел Муравейка падкрэсліў значэнне АДКБ для рэгіянальнай бяспекі. Паводле яго слоў, сучасная ваенна-палітычная сітуацыя ў свеце далёкая ад стабільнасці, таму неабходна падтрымліваць баяздольнасць і рыхтаваць штабы, войскі і органы кіравання.
«У гэтых умовах мы павінны трымаць порах сухім. Менавіта таму вялікая ўвага надаецца адпрацоўцы дзеянняў сістэмы калектыўнай бяспекі», — адзначыў Муравейка.
Вучэнні працягнуцца з 31 жніўня да 6 верасня і, паводле афіцыйнага Мінска, павінны прадэманстраваць гатоўнасць войскаў да сумеснага рэагавання на пагрозы.
эж