Чыноўнік у Брэсцкай вобласці быў звольнены за банкаўскі рахунак у ЕС

Пракуратура заяўляе, што гэта дзеянне забаронена для дзяржаўных службовых асоб Законам РБ «Аб барацьбе з карупцыяй».

Здымак мае ілюстрацыйны характар.

Michal Jarmoluk/pixabay.com/CC0 Public Domain

Намеснік кіраўніка адной з арганізацый Брэсцкай вобласці вызвалены ад пасады пасля праверкі пракуратуры Брэсцкай вобласці. Паводле прэс-службы ведамства, праверка выявіла парушэнне антыкарупцыйнага заканадаўства, паведамляе «Наша Ніва».

Паводле пракуратуры, чыноўнік адкрыў і на працягу некалькіх гадоў выкарыстоўваў у асабістых мэтах банкаўскі рахунак у замежным банку, зарэгістраваным на тэрыторыі ЕС.

Пракуратура заяўляе, што гэта дзеянне забаронена для дзяржаўных службовых асоб Законам Рэспублікі Беларусь «Аб барацьбе з карупцыяй».

Наймальнікам было прынята рашэнне аб звальненні супрацоўніка. Звальненне на гэтай падставе прызнаецца абставінамі, якія дыскрэдытуюць, піша прэс-служба. На працягу пяці гадоў яго прызначэнне на кіраўнічыя пасады магчыма толькі па ўзгадненні са старшынёй выканаўчага камітэта.

аз