Міжнародная прэмія за дэмакратыю і вяршэнства права ўручаная 7 снежня беларускаму дэмакратычнаму лідару Святлане Ціханоўскай.
Цырымонія прайшла ў World Conference Center (былы будынак Бундэстага) у Боне (Германія), паведамляе «Позірк».
У прэс-рэлізе аб прысуджэнні прэміі гаворыцца, што гэтая ўзнагарода «адзначае выбітную адданасць Святланы Ціханоўскай справе свабоднай і дэмакратычнай Беларусі».
«Яе дзейнасць адлюстроўвае дзейнасць многіх людзей, якія нястомна працуюць над спыненнем палітычнай тыраніі беларускага дзяржаўнага апарату. Такім чынам, яе супраціў накіраваны таксама супраць рэжыму, які ахвотна ўдзельнічае ў агрэсіі Расійскай Федэрацыі супраць еўрапейскай бяспекі і міру», – падкрэсліваецца ў рэлізе.
Міжнародная прэмія за дэмакратыю і вяршэнства права ўручаецца штогод з 2009 года.
вс